AZƏRBAYCAN RESPUBLİKASI ATÇILIQ FEDERASİYASININ MƏLUMATI


Koronavirus infeksiyası (COVİD-19) dünya ölkələri arasında sürətlə yayılmaqda  davam edir. Ümumdünya Səhiyyə Təşkilatı tərəfindən koronavirus infeksiyası qlobal pandemiya elan olunmuşdur. Ölkəmizdə də infeksiyanın maksimum səviyyədə qarşısının alınması, virus aşkarlanmış şəxslərin xüsusi nəzarətdə saxlanılması və məlumatların ictimaiyyətə düzgün çatdırılmasını təmin etmək üçün Nazirlər Kabineti yanında operativ qərargah yaradılmışdır.

13 mart 2020-ci il tarixdə Azərbaycan Respublikası Nazirlər Kabineti yanında  operativ qərargahın verdiyi məlumata əsasən ölkədə kütləvi tədbirlər, o cümlədən, mədəni-idman tədbirləri müvəqqəti olaraq təxirə salınmışdır.

Yuxarıda göstərilən məlumata əsasən Azərbaycan Respublikası Atçılıq Federasiyası tərəfindən  18 mart 2020-ci il tarixdən etibarən keçirilməsi planlaşdırılan bütün tədbirlər 1(bir) ay müddətinə təxirə salınır. 

Bu müddətdə iş rejiminin dəyişdirilməsi zərurəti yarandıqda əlavə məlumat veriləcəkdir.